លក្ខណៈពិសេសរបស់ Huawei Y7p 2021

 Huawei Y7p 2021 ត្រលប់មកវិញម្ដងទៀតហើយ ជាមួយតម្លៃ $159 និងមានបំពាក់កាមេរ៉ាឆ្លាតវៃ AI 3 គ្រាប់ មានលេនគោលទំហំ 48MP, មានអេក្រង់ធំ 6.39 អ៊ីញ ជាមួយលេនទម្លុះអេក្រង់ ហើយរាល់ការជាវ ទូរសព្ទឆ្លាតខាងលើ អតិថិនជននឹងទទួលបាន កាបូបស្ពាយម៉ាកហួវៃមួយភ្លាមៗ ដូច្នេះហើយបើមានចំណាប់អារម្មណ៍ អតិថិជនអាចអញ្ជើញ ទៅកាន់ហាងលក់ទូរសព្ទនានាទូទាំងប្រទេសដែលស្ថិតនៅក្បែរលោកអ្នកជាងគេ។

លោក ថង សារី នាយកផ្នែកទីផ្សារក្រុមហ៊ុន Huawei ប្រចាំប្រទេសកម្ពុជា បានឲ្យដឹងថា ដើម្បីឆ្លើយតបនឹងតម្រូវការរបស់អតិថិជន ទើបក្រុមហ៊ុនហួវៃនាំមកជូននូវស្មាតហ្វូន ដែលមានតម្លៃសមរម្យ ប៉ុន្តែមានសមត្ថភាពប្រសើរ នោះគឺ Huawei Y7p 2021 នេះឯង។

Huawei Y7p 2021 ត្រូវបានក្រុមហ៊ុនធ្វើការកែប្រែ ដោយមានការឌីហ្សាញបែបស៊ីវិល័យ ជាមួយជម្រើសពណ៌ពីរប្រភេទ គឺពណ៌ខ្មៅ និងពណ៌បៃតងលាយខៀវ ហើយវាមានអេក្រង់ទំហំ 6.39 អ៊ីញ អមមកលេនទំលុះអេក្រង់មួយគ្រាប់ រីឯផ្នែកកាមេរ៉ាវិញ វាមានចំនួន 3 គ្រាប់ ដោយលេនគោលទំហំ 48MP ជាមួយលេនទូលាយ Ultra-Wide ទំហំ 8MP និងចុងក្រោយជាកាមេរ៉ាទំហំ 2 MP សម្រាប់ថតរូបព្រាលផ្ទៃខាងក្រោយ។ 

Huawei Y7p 2021 ភ្ជាប់មកជាមួយ RAM ទំហំ 4GB និងអង្គផ្ទុកទិន្នន័យទំហំ 64GB ក៏ដូចជាថាមពលថ្មទំហំ 4,000mAh ផងដែរ។ Huawei បានអះអាងថា ថាមពលថ្ម 4,000mAh របស់ Y7p 2021 អាចចាក់វីដេអូជាប់គ្នា 22 ម៉ោង, ចាក់បទចម្រៀង 111 ម៉ោង និងលេងអ៊ីនធើណែតជាប់គ្នារហូតដល់ទៅ 20 ម៉ោង។ Huawei Y7p 2021 ក៏បានភ្ជាប់មកជាមួយកម្មវិធី Petal Map ងាយស្រួលកំណត់ទិសដៅក្នុងការធ្វើដំណើរ និង Huawei AppGallery សម្រាប់ស្វែងរក ក៏ដូចជាទាញយកកម្មវិធី និងហ្គេមល្បីៗជាច្រើនដោយឥតគិតថ្លៃផងដែរ ហើយឆាប់ៗនេះវានឹងទទួលបាន (Huawei Docs) Power Point, World, Excel បន្ថែមទៀត។ 

សរុបមកវិញ Huawei Y7p 2021 តម្លៃ $159 ជាជម្រើសល្អមួយសម្រាប់ប្រិយមិត្តដែលចង់បានទូរសព្ទឆ្លាតមួយដែលមានរូបរាងស្រស់ស្អាត ជម្រើសពណ៌ស៊ីវិល័យ កាមេរ៉ាមុខជាលេនទម្លុះអេក្រង់ និងមានតម្លៃសមរម្យ ក៏ដូចជាកាដូបន្ថែមជាដើម។